Алтай Таван Богд /3 өдөр 2 шөнө/ аялал

Алтай Таван Богд уул нь Баян-Өлгий аймгийн Цэнгэл, Улаанхус сумдын заагт оршдог, Алтай Таван Богд байгалийн цогцолборт газарт багтдаг Монгол орны дээвэр болсон Монгол түмний эрхэмлэн хүндэтгэдэг төрийн тахилгат шүтээн уул билээ. Тэрээр Таван Богд уул нь Монгол орны хамгийн өндөр цэг бөгөөд хэмгийн өндөр оргил нь далайн түвшнээс 4374 метрд байрладаг юм. Таван богд уул нь салбар уулс болох Их Монгол /Хүйтэн/, Найрамдал, Өлгий, Бүргэд, Малчин гэсэн мөнх цасан оргилуудтай. Таван Богд ууланд Потанин, Александр, Гране гэсэн 10 гаруй том мөсөн голууд байдгаас хамгийн том, урт гол нь Потанинын (20км) мөсөн гол юм. Потаниний мөсөн гол нь Сүүн гол буюу Цагаан голын ундаргын эх үүсвэр болдог билээ.

Биндийн санал болгож буй 2 шөнө 3 өдрийн аялалын хөтөлбөрийг сонгосноор та бүхэн Алтай Таван богд уулс, Потанин, Александр мөсөн гол, Цагаан гол зэрэг давтагдашгүй байгалийн үзэсгэлэнт газруудтай танилцаж тэдний ойр орчимд олдох эртний анчин, малчин өвөг дээдсүүдийн маань үлдээсэн сүг зурагнуудыг үзэн түүхэн мэдлэгээ сэргээхээс гадна казах, тува ардын үндэсний болон нүүдэлчин аж амьдрал, ахуйн соёлтой танилцах боломжийг бид та бүрдүүлж өгөх юм.

Аялалыг зохион байгуулагч болох Номэдпасс Монголия-гийн хамт олон таны зочилох гэж буй Алтай Таван Богд уул орших Цэнгэл сумын нутаг дэвсгэрд төрж өссөн аялал жуулчлалын менежментийн мэргэжилтэй уугуул иргэд учир бид танд аюулгүй, маш сайн төлөвлөсөн зохион байгуулалт бүхий мартагдашгүй дурсамжийг үлдээх аялалыг санал болгож байна.